Transcription
1
Monsieur, jey heu au jourdhuy advertissement de ceulx de
2
Clyon comme les enemys ont delyberé le fortyffier pour
3
cy louger et y ont esté ce soyr passé et ont fèt
4
coumandement aulx habitans du dyct Clyon de cheryer
5
pierre et boys et aultres choses necessères pour ramparer
6
les brèches qui y estoint, parquoy ney voulu faylhyr vous
7
en advertyr tout incontynent comme le debvoyr me
8
coumande ; en mesme instant, madame d’Ourche ma
9
mandé aussy par ung de vous subyectz de Seynt Gervays
10
quest le consul, comme les dyctz enemys ont delyberé
11
[ajouté : aussy] dans troys ou quatre jours ce seysyr deste vylle et de
12
Morsane par tradyment ou aultrement, de fasson que
13
cella nous fera ancore myeulz veilher, ancore que je
14
nayois estés guyères endormyt despuys que nous heusmes
15
descouvert la faulse morce qu’on nous preparèt. Jey
16
esceu ces jours passés une comyssyon que monsieur de
17
gordes a baylhé auls consulz deste vylle adressante à moy
18
pour coumander en ce lyeu, dont je luy remertye très humblement
19
et à vous aussy. Je prye à Dyeu quy me fasse la grace
20
de men acquyter cy byen quen ayés contentement.
21
Les susdictz consulz mont monstré aussy une provycion
22
quilz advoyent obtenue de mon dyct cyeur de Gordes de
23
trante soldars, dont je treuve que ce n’est pas assés,
24
estant le lyeu de cy grand garde toutz les soyrs ; et à moyns,
25
comme votre segneurye sèt trop myeulz, de quatre ou
26
seynq arquebuzyers pour chesque cor de garde, le dict
27
corps de garde ne peult estre quyl ne soyt trop
28
foyble ; et cyl vous plesoyt nous en accorder ancore
29
vynt, ce cera ung grand byen pour tout le peys et pour
30
nous, car dont plus forbz nous cerons, dont myeulz vauldrons
31
[333 v°] et dont meylheur garde nous ferons. Ce pandent que je
32
escripveys ceste, jey resceu la lettre quil vous a pleu mescripre,
33
et tout incontynent satysfet au coumandement dycelle
34
quand au fet de mestre Jacques Dolan et d’Etienne
35
Morry, que je naye peu satysfère. Au reste de ce qui
36
vous plet me mender pour ce que mon cheval nest
37
bougé de la lytière despuys que je vyns de vers vous
38
à cause dhune antorce, de fasson monsieur que je vouldrès
39
que le cheval fust mort quand pour amour de luy,
40
je demeure daller recepvoyr vous coumandements, toutesfoys,
41
ci vous que je veus aylié treuver à pyé, je le
42
feroy de byen bon ceur pour le desyr que jey de vous fère
43
servyce. Je vous supplyons très humblement, toutz ces
44
messyeurs deste vylle et moy, nous vouloyr fère tans
45
de byen que de nous accorder le nombre des soldars cy
46
mencyoné, car aultrement mal eysement ce lyeu
47
ci ce peult garder ; qui cera tout ce que je vous dyrey
48
pour asteure, vous beysent les meyns très humblement,
49
priant Dyeu que vous doynt
50
monsieur en parfaycte sancté, très heureuse et longue
51
vye. De Chateauneuf du Moysens, ce 27 febvryer 1574.
52
Votre très humble et pour à
53
jamès très hobeyssant servyteur
54
de cloyseau.